Facebook

10大高脂餃子排行榜

之前介紹咗10大營養師推介嘅餃子排行榜，好多客都即刻入貨。為咗大家唔好買錯咗高脂餃子，搞到「愈食愈肥」😖，今次Nutri-Pro營養師Amy👩🏻‍⚕️再整咗嗰10大高脂餃子排行榜，大家掃貨嗰陣記住留意多啲啦🧐！

上次提到低脂嘅定義係每100克固體食物入面含不多於3克脂肪，而市面上部分餃子脂肪含量都好高，榜首嘅餃子每100克就含有15克脂肪，相等於3茶匙油。呢類高脂餃子熱量偏高🥟，每日煮食油的建議攝取量係6-7茶匙油，而一餐高脂餃子分分鐘食左4-6茶匙油落肚😰。一碗白飯嘅熱量大約喺250千卡，食高脂餃子當一餐，有機會攝取咗2-3碗飯熱量🍚。

呢類餃子咁高脂，喺因為免治肉入面會混合咗大量肥肉🥩。而素菜餃無肉唔代表低脂🥬，無咗肉香就自然有機會加多啲麻油令佢香啲滑啲。所以一定要留意包裝上嘅營養標籤呀。

另外，急凍餃子仲有陷阱位，就喺有啲雞肉餃入面會有豬肉成分；而有啲豬肉餃入面原來又有牛肉；某啲餃子又加咗大豆成分😦。呢啲成分未必係正面包裝或者食品名稱到顯示到出嚟，如果有食物敏感或者有嘢唔食，記得睇多少少，望埋成分表就最穩陣啦🤓！

如果大家想知有邊啲餃子係相對健康，可以睇返之前嘅《十大營養師推薦餃子排行榜》呀😋