Էդվարդ Ալեքսանյան
Հայաստանի իրական վիճակի գնահատման համար ինձ ուղղված հարցերի մասին իմ տեսակետը հնարավորինս հակիրճ
ՀՀ-ում տեղի ունեցող քաղաքական ու տնտեսական խորը ճգնաժամի ու կրախի, հանցավոր ավտորիտարիզմի, համատարած գողության, առ ու թալանի, կոռուպցիայի դեմ արդար պայքարի մեջ մտած Նիկոլ Փաշինյանի հերոսական կամքի ու եռանդի շնորհիվ ի կատար ածված` խաղաղ, անցնցում ու բացառապես անարյուն այս հեղափոխության արդյունքում` ազգովի ձեռք ենք բերել ու դեռ կշարունակենք ձեռք բերել նախ.
1.Հասարակական գիտակցության թռիչք, նենգաբարո երևույթների դեմ միաբանվելու ընդունակություն ու բարձր դիմադրողականություն:
2.Իսկապես ազատ, անկախ ու պատվով ապրելու իրավունք:
3.Տնտեսական վերելք ու առաջընթաց:
4.Իրականում թոթափել և ազատագրվել ենք` շուրջ 30 տարիներ Հայաստանի իշխանությունը զավթած ու այն միմյանց ժառանգականորեն փոխանցող խորհրդային կգբ-ի` իրենց վարք ու բարքով ավազակային հակումներով օժտված այլանդակ ռեժիմներից վերջապես:
5.Կարծում եմ դեռ ազատագրվելու ենք իսկական մաֆիայի վերածված ու իրենց իբր ազգային հորջորջող որոշ բացառապես լպիրշ կուսակցությունների ու նրանց անձեռնմխելի կուսակցական լիդերների ավազակային ազդեցությունից և ազգովի` միասնաբար` միասին` դրանց կճանապարհենք ուր հարկն է, ինչպես որոշ տուշոնկա-սգուշոնկաներին ու դեռևս անձեռնմխելի իրենց տերերին, որոնք հավերժ անփոփոխ մնացող թայֆաներով հանդերձ, խնդիրներ ունեն պետական գանձարան վերադարձնել իրագործված առ ու թալանի ամբողջ գումարը` լումա առ լումա :
6.Ժողովրդավարության առումով Հայաստանը ամբողջ աշխարհում ճանաչվեց որպես քաղաքացիական հասարակություն կառուցող երկիր:
7.Մեծ դժվարությամբ, բայց վերջապես ունեցանք` բնույթով խուժան ապազգային ժողովի դեմոնտաժ:
8.Իմ կարծիքով թեև մի քիչ շտապ, սակայն առաջիկա ամսվա ընթացքում կունենանք ազգային ժողովի նոր ընտրություններ:
9.Կունենանք հասարակությանը և ոչ թե անձեռնմխելի ավազակապետերին ծառայող համապատասխան սահմանադրություն և օրենքներ:
Ավելացնեմ, որ կործանման շեմին հասցված համանաման պետության քաղաքականությունը 100 տոկոսանոց ճշգրտությամբ իրականացնել հնարավոր չէ ԱՄՆ-ի, Կանադայի և այլ ժողովրդավարական կայացած ու գերզարգացած իրավահարաբերություններ ունեցող երկրների դեպքում նույնիսկ, այնպես որ, հնարավոր որոշակի սխալներ կամ բացթողումներ նկատելու դեպքում ուղղակի կարող եք ազատ կամարտահայտվել և Ձեր կողմից նկատված վրիպակը, սխալն ու բացթողումն ուղղել ինքներդ...
Չեմ խոսելու. Կալանքից ազատված քաղբանտարկյալների, համաներման,միջազգային առումով ձեռք բերված բարձր վարքի, Հայաստանի ու Արցախի սահմաններում լարվածության թուլացման,պետական գանձարան մուտքագրված ու մուտքագրվելիք միլիարդների, սանձված ու սանձվող կոռուպցիայի, պետաիրավական մարմինների աշխատակիցների կողմից պաշտոնական դիրքի չարաշահումների հնարավոր բացառման, երկրաքանդ թալանչիների սանձահարման, ազատ կամարտահայտման և այլ դրական տեղաշարժերի մասին: Կարծում եմ, այսուհետ, ամեն հարաբերություն մեր երկրում կիրականացվի միմիայն հասարակությանը ծառայող օրենքներին համապատասխան և բոլոր այդ օրենքների հեղինակն ու համահեղինակը կարող ենք լինել մենք բոլորս: Հուսով եմ, հետայսու, երկրում կսկսեն գործել հնարավորինս ազատ տնտեսական, ազատ շուկայական մրցակցային հարաբերություններ` վերջ դնելով նախկին վերիշխանականների կողմից հասարակությանը հարկադրաբար մատուցած օլիգարխամոնոպոլիկ տնտեսվարման ախտածին համակարգը...
Շատ հնարավոր է, որ մեր երկրի կյանքում տեղի ունեցող դրական միտում ունեցող այս փոփոխությունները հհկ-ականներին ու նրանց լծորդ-կցորդներին չբավարարեն... Ողջ լեր:
08.11.2018թ. 16-51
https://www.facebook.com/photo.php?fbid=2158330714385546&set=a.1442292789322679&type=3&theater Նկարում թոռնուհիս է:
