Facebook

کیوں مسٹر جنرل ۔ کیسا لگا عوام کا فیصلہ؟
اب توآپ کو ایک اور انتہائی اچھے وکیل کی ضرورت پڑیگی - غداری کے مقدمے کے لئے۔

انسانی بنیادی حقوق کے ادارے ہیومن رائٹس گروپ آف پاکستان کے چیئرمین ڈاکٹر شیر علی رضوی نے سپریم کورٹ آف پاکستان میں آئین کے آرٹیکل6 کے حوالے سے عدالت کی کارروائی میں فریق بننے کی درخواستCMA #2705/2013دائر کر دی ہے۔
درخواست میں مندرجہ ذیل موقف اختیار کئے گئے ہیں:۔
۱۔ 3نومبر 2007میں پرویز مشرف صاحب آئینی صدر اور سپریم کمانڈر پاکستان تھے، انہیں آئینی اختیار حاصل تھا کہ اگر حالات ایسے ہوجائیں جس میں پاکستان کی سالمیت، خودمختاری اور یکجہتی کو خطرات لاحق ہوں تو انہیں ایمرجنسی نافذ کرنے کا اختیار تھا۔
۲۔ ایمرجنسی کے حکم میں دی گئیں وجوہات میں اس بات کو واضح کیا گیا تھاکہ ریاستی اداروں پر انتہاپسند حملہ آورہو رہے ہیں جس میں خود کش حملہ آور اور(IED) Improvised explosive device،راکٹ فائرنگ اور Bomb explosionسے انتہا پسند گروپ مستقل کارروائیاں کر رہے تھے اور اس حد تک کہ ان کارروائیوں سے عام آدمی کی زندگی اور پراپرٹی کو خطرات لاحق تھے۔
۳۔ ایمرجنسی نافذ کرنے والے حکم میں اس بات کی نشاندہی بھی کی گئی تھی کہ کچھ عدلیہ کے ممبرز اس قسم کے اقدامات کر رہے ہیں جو دیئے گئے اختیارات سے تجاوز کے زمرے میںآتا ہے۔نتیجتاً ریاستی ادارے کمزور ہوتے چلے جارہے تھے نہ صرف یہ بلکہ ریاستی بیورو کریسی کو حراساں کیا جارہا تھا اور اس کی تذلیل کی جارہی تھی اس وجہ سے ریاست کی خود مختاری، سالمیت اور یکجہتی کو شدید خطرات لاحق ہوچکے تھے اور ریاستی امور چلانا دشوار ہوتے جارہے تھے۔
۵۔ درخواست میں موقف اختیار کیا گیا ہے کہ 14رکنی بینچ کے فیصلے پٹیشن نمبر8اور9،2009میں جو اصول طے کیا گیا تھا کہ کوئی بھی شخص اپنے ہی کیس میں جج نہیں ہوسکتا اور اس اصول کے تحت مسٹر جسٹس ڈوگر کے فیصلے کو معزول کیا گیا اگر اس اصول، واقعات اور ایمرجنسی کے حکم میں دیئے گئے حالات کو دیکھا جائے تو کیا یہ اصول دیئے گئے اس فیصلے پر پورا اترتا ہے؟۔
۶۔ درخواست میں موقف اختیار کیا گیا ہے کہ آئین کے آرٹیکل 6(2A) اورآرٹیکل 6(3) کو دیکھا جائے تو واضح طور پر عدالت عظمٰی اور عدالت عالیہ کو بھی یہ اختیار نہیں کہ آرٹیکل6سے متعلق کوئی درخواست سنے، مزید یہ کہ سپریم کورٹ Rules 1980میں دیئے گئے صوابدیدی اختیارات کو بھی صرف اس وقت استعمال کیا جاسکتا ہے جب کوئی ایسا معاملہ عدالت عظمٰی کے سامنے ہو جس کے حوالے سے کوئی قانون موجود نہ ہو یا قانون میں کوئی سقِم موجود ہوتو کیا ان دونوں صورتوں میں عدالتِ عظمٰی کی آرٹیکل6 کی درخواستوں پر کارروائیاں جاری رکھنا غیر آئینی اور غیر قانونی تصور نہیں کیا جائے گا؟۔ درخواست گزار نے آرٹیکل6اورHigh Treason(Punmishment) Act 1973 کے حوالے سے یہ موقف اختیار کیا کہ High Treason Actکو اگر عملی اور ایمرجنسی آرڈر 2007کی وجوہات کے تناظر میں دیکھا جائے توسابق صدر پرویز مشرف پر آرٹیکل 6کے اقدام کا اطلاق نہیں ہوتا۔اس کے برعکس ایمرجنسی آرڈر 2007کی حکم عدولی کرنے والوںپر آرٹیکل5 اورآرٹیکل 6کے اقدام کا اطلاق ہوسکتا ہے۔
۷۔ درخواست میں استدعا کی گئی کہ آئین میںدیئے گئےProvisionsپر غور کیا جائے اور آرٹیکل6کے حوالے سے ایسی تمام درخواستوں کو رول آف لاء اور ہیومن رائٹس کے مفاد میں عدالتِ عظمٰی سے خارج کیا جائے کیونکہ ایسی درخواستیں عدالت عظمٰی کے اختیار سے تجاوز کے زمرے میں آتی ہیں۔

پرویز مشرف پاکستان کے لئے ایک زندہ لیجنڈ ہے