Facebook

Маңғыстау облысы әкімі С Трұмовқа

Маңғыстау облысының мемлекеттік бас санитар дәрігері Е Сыдымановқа

Маңғыстау облысының Денсаулық сақтау басқармасының басшысы Ж Жаманбаеваға

Және Маңғыстау облысы мәслихатының депуттаттарына

ШҰҒЫЛ!

Маңғыстау облысы Маңғыстау ауданы Жармыш ауылы халқының атынан.
Соңғы 15 күн ішінде індеттің (ресми түрде пневмония деп аталған, алайда ол Covid-19 болуы да мүмкін) күшеюіне байланысты аулымыздың тұрғындарының жаппай ауруы белең алды. Қайтыс болған адамдардың саны да күннен күнге өсіп бара жатыр, нақты айтар болсақ, соңғы 15 күнде Жармыш ауылы бойынша 10 адам, соның 6-уы соңғы 4 күнде қайтыс болып отыр. Қазіргі таңда 20 адам күндізгі бөлімде ем алуда, 6 адам аудан орталығында емдеу мекемесінде (фактіленді) және үйде жатып өз бетімен ем қабылдап жатырған адам өте көп. Осы көрсетілген мәселелерді сіздің қаперлеріңізге бере отырып, ауыл көлемінде пандемияны құрықтау бағытында іс-шараларды ұйымдастыруды және науқастардың одан әрі ұлғаюы мен қайтыс болуына жол бермейтін шаралар бойынша шешімдер қабылдауыңызды сұраймыз.
Осы орайда біздің ұсыныстарымыз:
1. Жармыш ауылына тұрақты дәрігер алдыру керек.(Соңғы 5 жылда ауылымызда тұрақты дәрігер болған емес және соның нәтижесі жағдайдың бірден ушығуына әкеліп отыр);
2. Жедел-жәрдем автокөлгін жаңарту (Өте ескі УАЗ көлігі болған соң жүруінен тұруы көп және жүргізуші тұрақтамайды);
3. Ауыл амбулаториясын науқастарды емдеуге жететін мөлшерде дәрі-дәрмекпен қамтамасыз ету;
4. Ауыл амбулаториясынан 10-15 орындық провизорный ашу (аудан ауруханасының жүктемесін азайту мақсатында);
5. Жармыш ауылын пандемия ошағы ретінде танып, аурудың таралып кетпеуі мақсатында заңды шаралар жасау, оның ішінде барлық ауырып жатқан тұрғындардан тегін Covid-ке тест алу;
6. Ауылға тұрақты түрде жұмыс жасайтын учаскелік полицияны тағайындау;
Жармыш ауылы тұрғындарының осы ұсыныстарын тез арада қарастырып, басқа да нақты шаралар жасап, ұсынысымызға кері байланыс берулеріңізді сұраймыз.