Արդարադատության նախարարից ստացել եմ նոյեմբերի 27-ին վարչապետին ուղարկածս հարցման պատասխանը։ Հիշենք, կարծում եմ հետագայում պետք կգա։ Հարցման բովանդակությունը՝ մեկնաբանություններում։
ՊԱՏԱՍԽԱՆԸ՝
1. Հաշվի առնելով եռակողմ հայտարարության բնույթը և այն պայմանները, որոնց առկայությամբ ստորագրվել է հայտարարությունը՝ դրա վերաբերյալ ծանուցում չի հրապարակվել,
2. Հայտարարությանը կից հավելվածներ չկան և հայտարարության ամբողջական բովանդակությունն արտահայտված է դրա տեքստում, որը հրապարակված է պաշտոնական բաց աղբյուրներում:
3. Հայտարարության իրականացման համար մինչ օրս Կառավարության որոշումներ չեն ընդունվել:
Հարցմամբ պահանջել էի տրամադրել նոյեմբերի 9-ին ստորագրված եռակողմ հայտարարության վերաբերյալ որոշ տեղեկություններ
055 32 87 57 / 077 56 26 55
Այս ասուլիսն այն մասին է, թե ինչու՞ է Մարդու իրավունքների պաշտպանի ինստիտուտի անկախությունը վերացվում կառավարությունից և Ազգային ժողովի իշխող խմբակցությունից։
Իշխանությունը չի գնալու արտահերթ ընտրության, բոլոր հարցումներով նրանք պարտվում են
Ադրբեջանը հայտարարել է, որ Հայաստանին կպարտադրի «միջանցք» բացել Սյունիքում, միևնույն ժամանակ բազմիցս հայտարարել, որ ադրբեջանցիները վերադառնալու են «պատմական տարածք՝ Զանգեզուր, Երևան և այլն»։
Սա ոչ այլ ինչ է, քան սպառնալիք՝ ՈՒԺԻ ԿԻՐԱՌՄԱՆ ՍՊԱՌՆԱԼԻՔ, որն արգելված է ՄԱԿ կանոնադրության 2֊րդ հոդվածով (jus cogens սկզբունք)։
Եթե սրան ավելացնում ենք մարտի 15,16֊ից (Մոսկվայի (Կարսի) չարաբաստիկ պայմանագրի կնքման օրեր) նախատեսվող ադրբեջանական զորավարժությունները, որոնք կրկին միջազգային իրավունքի տեսանկյունից ուժի ցուցադրման ակտ են և հետևաբար՝ ՈՒԺԻ ԿԻՐԱՌՄԱՆ ՍՊԱՌՆԱԼԻՔ, ապա պատկերն ավելի է հստականում։
Իսկ եթե մի քիչ ավելի ուշադիր ենք լինում տարածաշրջանում և մեր ռազմավարական գործընկերոջ շուրջ կատարվող իրադարձություններին, ապա կանխատեսումներն առաջիկայում լավ բան չեն հուշում՝ հաշվի առնելով մի քանի ամիս առաջ թուրք֊ադրբեջանական տանդեմի կատարած միջազգային հանցագործությունները՝ ագրեսիա, պատերազմական հանցագործություններ, ահաբեկչություն, վարձկաններ և այլն։
Ի դեպ, նման դեպքերում պետության անվտանգության նկատմամբ ուշադիր պետական իշխանությունները դիմում են ՄԱԿ֊ի Անվտանգության խորհուրդ։
Եթե անգամ կասկածներ ունեն, որ ինչ֊որ մի պետություն վետո կարող է դնել հնարավոր բանաձևի ընդունման ժամանակ, ամեն դեպքում դիմում են՝ խնդիրը հնչեցնելու և հետագայում նույն ՄԱԿ֊ի կանոնադրության 51֊րդ հոդվածի ուժով ԻՆՔՆԱՊԱՇՏՊԱՆՈՒԹՅԱՆ լեգիտիմացման համար։
Տարոն Սիմոնյան - Taron Simonyan
Member of National Assembly of the Republic of Armenia
