Facebook

Պաշտպանված կանաչ գոտի և նոր պաստառներ

Մայրաքաղաքում շինարարության նկատելի աշխուժացմանը զուգահեռ` շինհրապարակներ կազմակերպելու գործում այս գարնանից սկսած կգործեն նոր կանոններ: Բոլորովին վերջերս Երևանի ավագանին փոփոխություններ կատարեց շինհրապարակների կազմակերպման և սանիտարական նորմերի ապահովման պարտադիր պայմաններում: Այսուհետ շինհրապարակներում կառուցապատողները հատուկ մոտեցում պետք է ցուցաբերեն հարակից կանաչ գոտիների պահպանմանը:

Մեկ այլ որոշմամբ շինհրապարակի ժամանակավոր ցանկապատի համար Երևանի քաղաքապետարանը կառուցապատողներին նոր ձևավորում է առաջարկում: Այս նորմի պահպանումը ևս այսուհետ պարտադիր պահանջ է: Տպագրության համար համապատասխան ֆայլերը կառուցապատողները կարող են անվճար ներբեռնել Երևանի քաղաքապետարանի պաշտոնական՝ yerevan.am կայքի «Քաղաքաշինություն» բաժնից:

Մանրամասները՝ https://bit.ly/381ZFGQ

Այս պահին, ինչպես և ողջ օրվա ընթացքում Երևանի Կենտրոն վարչական շրջանում Սոցիալական ապահովության, առողջապահության և ծրագրերի բաժնի կողմից շարունակվում է սոցիալապես անապահով ընտանիքներին օգնության տրամադրման գործընթացը:

Օգնությունը տրամադրվում է ՄԱԿ-ի գրասենյակի Պարենի համաշխարհային ծրագրով: Նշված ծրագրով սննդամթերքի աջակցության է տրամադրվում է տարեց թոշակառուներին, Արցախից տեղահանվածներին, Արցախյան պատերազմի վիրավորներին և զոհվածների ընտանիքներին, միածնող երեխաներին և կարիքավոր ընտանիքիներին:

Զանգվածային տարբեր լրատվամիջոցների Armday.am, ParaTV –ի և այլ կայքերի կողմից հրապարակված և համացանցում տարածում գտած նյութը ապատեղեկատվություն է և չի համապատասխանում իրականությանը:

Կեղծ նյութը տարածող լրատվամիջոցներից Կենտրոն վարչական շրջանի ղեկավարի աշխատակազմը պահանջում է հերքում։ Միևնույն ժամանակ ամբողջովին սուտ տեղեկատվություն տարածելու վերաբերյալ քննարկվում է պրոցեսը իրավական դաշտ տեղափոխելու հարցը։

Ինչպես և խոստացել էինք, այսօր՝ վաղ առավոտից նոր շարժակազմով սկսեց աշխատել 99 համարի երթուղին։

Երթուղին անցնելու է ՀԱԹ Բաբաջանյան փողոցից՝ քաղաքի կենտրոնով դեպի Քանաքեռ-Զեյթուն, վերջնակետը՝ Ուռուցքաբանության կենտրոն (երթուղու մանրամասն նկարագրությունը՝ տեսանյութում)։ Երթուղին կաշխատի առավոտյան 07.15-ից մինչև 23.00։

Հիշեցնում ենք, որ պետք է վճարել նստելիս, մետաղադրամի համար նախատեսված սարքը ընդունում է միայն 100 դրամանոցներ։

Ի դեպ, նոր երթուղում առաջին անգամ կիրառվում է ցուցանակների նոր դիզայնը, որի մշակման համար շնորհակալություն Braind գործակալությանը և Eduard Kankanyan ին։