📌Ստեփանակերտի մոր և մանկան առողջության պահպանման կենտրոնում ստացիոնար բուժում է ստանում 28 շաբաթական հղի կինը։
Նրա առողջական վիճակը բժիշկների հավաստմամբ` բավարար է։
Ռուզաննայի ամուսինը հայրենիքի պաշտպանության դիրքերում է։ Նրանք սպասում են առաջնեկին։
Վերջինիս միայն հուզում է թշնամու կողմից ծննդատան ուղղությամբ պարբերաբար հրետակոծումը, որն ըստ նրա, դուրս է բարոյական բոլոր սահմաններից։
Նշենք, որ երեկ երեկոյան, նույն ուղղությամբ թշնամին այս պատերազմի ընթացքում արդեն 2-րդ անգամ կրակ է բացել 《Սմերչ》կայանքից, ինչի հետևանքով քաղաքացիական բնակչության շրջանում եղել են տուժածներ։
📌ԱՀ ՆԳ նախարարության ԱԻ պետական ծառայության 911 ահազանգման կենտրոնում ժամը 15:57-ին հրդեհի մասին հերթական հաղորդումն է ստացվել, որը բռնկվել է Ստեփանակերտի Իվանյան փողոցի առանձնատներից մեկում:
Դեպքի վայր է մեկնել հրշեջ փրկարարական մեկ մարտական հաշվարկ: Հրդեհը բռնկվել է բուխարիում վառված կրակից, որը ծխնելույզի գերտաքացման պատճառով այրվել և տարածվել է սենյակի տանիքում:
Հրշեջ փրկարարները ժամանակին կատարել են հրդեհաշիջման աշխատանքներ և կրակը չի տարածվել բնակարանում:
Տուժածներ չկան:
📌Հայկական կողմին է փոխանցվել ևս 15 զինծառայողի աճյուն:
Այսօր ադրբեջանական կողմը Մարտունու շրջանի Կարմիր Շուկա-Շեխեր համայնքների խաչմերուկում հայկական կողմին է փոխանցել Վարանդայի (Ֆիզուլի) տարածաշրջանից հայտնաբերված, ռազմագործողությունների ընթացքում զոհված և մինչ այժմ անհետ կորած համարվող ևս 15 (նախնական տվյալներ) զինծառայողի աճյուն:
Նրանց ինքնությունը պարզ կլինի դատաբժշկական փորձաքննությունից հետո:
2020 թվականի նոյեմբերի 13-ից առ այսօր Արցախի վերահսկողությունից դուրս գտնվող տարածքներից հայտնաբերված կամ Ադրբեջանի կողմից փոխանցված աճյունների ընդհանուր թիվը (նախնական տվյալներ) 1518 է:
***
📌Армянской стороне было передано еще 15 тел военнослужащих.
Сегодня, на перекрестке населенных пунктов Кармир Шука-Шехер Мартунинского района, азербайджанская сторона передала армянской стороне тела 15 (предварительные данные) военнослужащих, обнаруженных из района Варанда (Физули) , погибших в ходе боевых действий и до сих пор считающиеся без вести пропавшие.
Их личности будут установлены после судебно-медицинской экспертизы.
С 13 ноября 2020 года по сей день, общее количество тел, обнаруженных из территорий находящихся не под контролем Арцаха, и переданных азербайджанской стороной составляет (предварительные данные) 1518 человек.
























