Facebook

မြန်မာ့အရေးနှင့် ပတ်သတ်၍ ကုလသမဂ္ဂ အထွေထွေ အတွင်းရေးမှူးချုပ်၏ ပြောရေးဆိုခွင့်ရှိသူ၏ ထုတ်ပြန်ကြေညာချက်

Stéphane Dujarric (ကုလသမဂ္ဂ အထွေထွေ အတွင်းရေးမှူးချုပ်၏ ပြောရေးဆိုခွင့်ရှိသူ)
နယူးယောက် မတ် ၁၉ (၂၀၂၁)

မြန်မာနိုင်ငံတွင် [ဆန္ဒပြသူများအား] စစ်တပ်က ဆက်လက်၍ ရက်ရက်စက်စက် အကြမ်းဖက်ဖြိုခွင်းနေခြင်း အပေါ် ကုလသမဂ္ဂ အထွေထွေအတွင်းရေးမှူးချုပ်က ပြင်းပြင်းထန်ထန် ဝေဖန်လိုက်သည်။

ငြိမ်းချမ်းစွာ ဆန္ဒထုတ်ဖော်သူများအား သတ်ဖြတ်ခြင်းနှင့် ဂျာနယ်လစ်များအပါအဝင် ပြည်သူများအား ထင်တိုင်းကြဲ ဖမ်းဆီးနေခြင်းတို့မှာ လုံးဝ လက်ခံနိုင်ဖွယ်ရာမရှိပါ။

မြန်မာစစ်ဘက် အနေဖြင့် အခြေခံလူ့အခွင့်အရေးများအား ချိုးဖောက်နေခြင်းကို အဆုံးသတ်ကာ ဒီမိုကရေစီလမ်းကြောင်းပေါ်သို့ ပြန်သွားရန် လုံခြုံရေးကောင်စီ အပါအတွင် အခြားအဖွဲ့အစည်းများက တိုက်တွန်းတောင်းဆိုလျက် ရှိသော်လည်း မြန်မာစစ်ဘက်သည် ထိုတောင်းဆိုချက်များကို ဆက်လက်၍ အာခံနေလျက်ရှိသည်။ ထို့ကြောင့် ခိုင်မာ၍ စည်းလုံးညီညွတ်မှုရှိသော နိုင်ငံတကာ တုံ့ပြန်မှုတစ်ရပ်ကို အဆောတလျင် လိုအပ်လျက် ရှိပါသည်။

ကုလသမဂ္ဂ အနေဖြင့် မြန်မာပြည်သူများနှင့် အတူတကွ ဆက်လက်ရပ်တည်ပေးမည်ဖြစ်ကာ၊ ငြိမ်းချမ်း တည်ငြိမ် ကြွယ်ဝသော မြန်မာနိုင်ငံ ဖြစ်လာရေး ပြည်သူများ၏ ရည်မှန်းချက်များအတိုင်း ရပ်တည်မည် ဖြစ်သည်။

မလေးရှားဝန်ကြီးချုပ်က မြန်မာစစ်ခေါင်းဆောင်တွေ လက်ရှိအနေအထားကနေ နောက်ပြန်ဆုတ်ဖို့ ပြင်းပြင်းထန်ထန် တိုက်တွန်းတောင်းဆိုလိုက်သည်။ ထို့အပြင် အင်ဒိုနီရှားသမ္မတ၏ မြန်မာ့အ​ရေး အာဆီယံထိပ်သီးအစည်းအ​ဝေးကျင်းပဖို့ကို မ​လေးရှားနိုင်ငံက ​ထောက်ခံကြောင်း နဲ့ နိုင်ငံတော် သမ္မတ ဦးဝင်းမြင့်၊ အတိုင်ပင်ခံပုဂ္ဂိုလ် ဒေါ်​အောင်ဆန်းစုကြည် အပါအဝင် ဖမ်းဆီးထားသူ​များကို အမြန်ဆုံး ချွင်းချက်မရှိ ပြန်လွှတ်ဖို့ တိုက်တွန်းလိုက်သည်။

ပြည်ထောင်စုသမ္မတမြန်မာနိုင်ငံတော် ဒုတိယသမ္မတ မန်းဝင်းခိုင်သန်း၊ လူကယ်ပြန်ဝန်ကြီး ဒေါက်တာဝင်းမြတ်အေး၊ ခေတ္တပြည်ထောင်စုဝန်ကြီးများ၊ ပြည်ထောင်စုလွှတ်တော်ကိုယ်စားပြုကော်မတီ CRPH အဖွဲ့ဝင်များ၊ ၈၈ မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်းမှ ဦးမင်းကိုနိုင်၊ ဦးဂျင်မီ တို့ပါဝင်သော ပြည်ထောင်စုအစိုးရအဖွဲ့ ကက်ဘိနက်အစည်းအဝေးကို မတ်လ ၁၉ ရက် ညနေ ၆ နာရီမှာ Online ဖြင့်ကျင်းပပြုလုပ်ခဲ့သည်ဟု သိရသည်။